Uppskot til broytingar í kunngerð um endaskeið í útbúgving til skipsatstøðara til hoyringar
Viðhefta uppskot til kunngerð verður sent niðanfyri standandi pørtum til hoyringar við hoyringarfreist 4. september 2025.
Frágreiðing
Viðhefta kunngerðauppskot snýr seg um broytingar í kunngerð um endaskeið í útbúgving til skipsatstøðara. Í sambandi við broytingar, gjørdar í kunngerð nr. 88 frá 4. august 2014 (núverandi kunngerð nr. 134 frá 17. desember 2024 um útbúgving til dekkara), var neyðugt at dagføra omanfyri nevndu kunngerð um endaskeið í útbúgving til skipsatstøðara.
Broytingarnar verða millum annað, at heitið á kunngerðini verður broytt til: “Kunngerð um útbúgving til skipsatstøðara”. Eisini verður hugtakið “endaskeið” strikað ígjøgnum kunngerðina. Harumframt hava broytingar í omanfyri nevndu kunngerð við sær, at fylgiskjal 1 fellur burtur, og verður tí víst til námsskipan og námsætlanir á heimasíðu skúlans.
Møguligarr viðmerkingar verða at senda til bumr@bumr.fo .
Uppskot Til Broytingar Í Kunngerð Um Endaskeið Í Útbúgving Til Skipsatstøðara 