Djóni Nolsøe Joensen, landsstýrismaður, hevur verið til reisigildi á Rásini í Saltangará. Tað gongur væl við uppíbyggingini, sum byrjaði í heyst. Tað er byggivirkið Malltek í Klaksvík, sum stendur fyri byggingini, ið ætlandi verður liðug á vári 2025.
Tað vóru fegnir handverkarar, sum fingu ein bita frá Landsverki. Tað vóru eisini glaðir næmingar, sum sungu og undirhildu. Tey hava fylgt neyvt við í byggingini, sum fer at tvífalda skúlan.
Beinta Persdóttir Joensen, leiðari á Rásini, fegnast um, at tað skjótt fer at verða møguligt hjá Rásini at taka 7 næmingar upp á hvørjum ári. Hetta er ein sólskinssøga.
Rásin
Rásin er eftirskúli til ung við menningartarni, ið eru liðug við fólkaskúlan.