![Íverksetan á breddan](https://landsstyri.cdn.fo/savn/eeogpik5/mynd-is.jpg?width=1024&height=576&rxy=0.49624134829554456,0.2500255106109642&rmode=crop&t=12&s=sRDCcqrUGQDht_a_4rtdoQR-X8g)
Djóni Nolsøe Joensen, landsstýrismaður, hevur havt fund við Íverksetarahúsið, sum var umboðað við Sigrun Jónsveinsdóttir, stjóra, og Magna Thomsen, samskipara.
Tætt samstarv hevur verið millum skúlaverkið og Íverksetarahúsið í meiri enn 10 ár, fyri at næmingar í fólkaskúlanum kunnu gerast meiri tilvitaðir um avbjóðingarnar og møguleikarnar við íverksetan.
Hetta samstarv hevur riggað væl, og Íverksetarahúsið hevur verið við til at skipa læring í íverksetan í skúlum, sum hava havt áhugað fyri tí.
SkúlaFM og luttøka í danmarksmeistarskapinum í íverksetan hevur verið partur í hesum. Føroyskir næmingar hava lært nógv og eisini klárað seg framúr væl. Seinast við at Nexum úr Skúlanum við Løkin gjørdist danmarksmeistari í íverksetan.
Hóast tað gongur væl, so kunnu karmarnir fyri íverksetan í fólkaskúlanum gerast enn betur. Hetta var umrøtt á fundinum.
Landsstýrismaðurin fegnast um, at næmingar so ítøkiliga kunnu læra um íverksetan og ynskir eitt framhaldandi tætt og gott samstarv við Íverksetarahúsið.