Edmund Joensen er settur í tíðaravmarkað starv sum fyrstilærari í Nólsoyar skúla

Landsstýrismaðurin í barna- og útbúgvingarmálum, Djóni Nolsøe Joensen, hevur sett Edmund Joensen í tíðaravmarkað starv sum fyrstalærara í Nólsoyar skúla skúlaárið 2023/24.

Edmund Joensen, sum er 61 ára gamal, tók læraraprógv í Ribe Statsseminarium í Danmark í 1999. Hann hevur tikið onnur viðkomandi prógv eisini, t.d. prógv sum vegleiðari í OCN-skipanini, ið er ein serstøk skipan, sum serbreytirnar á miðnámi nýta, har førleikar verða skrásettir og stig verða givin.

Edmund Joensen hevur drúgvar royndir sum lærari, umframt ávísar leiðsluroyndir. Hann hevur starvast í fólkaskúlanum í mong ár, umframt innan miðnám, har hann arbeiddi á serbreytini á Kambsdali. Harumframt hevur hann virkað sum einalærari í eitt ár í Tjørnuvíkar skúla.