17.01.2023 · Barna- og útbúgvingarmálaráðið

Børnini og mál okkara - Røða hjá landsstýrismanninum

Børnini og mál okkara - Røða hjá landsstýrismanninum

Leygardagin 14. januar hevði Felagið Føroyamál tiltak í Skúlanum við Streymin. Evnið var Børnini og mál okkara. Tiltakið setti sjóneykuna á føroyskt mál hjá smáum børnum, og um, hvussu vit menna málið hjá smábørnum.

Sissal Rasmussen, granskari, hevði framløgu um orðfeingi og orðtøku hjá smábørnum. Síðan greiddi Krista Hvannastein frá, hvussu hon sum námsfrøðingur arbeiðir við menning og upplestri hjá smábørnum á stovni.

Felagið Føroyamál vendi sær hesu ferð til teirra, ið fáast við smábørn serliga á barnamenningarøkinum.

Djóni Nolsøe Joensen, landsstýrismaður í Barna- og útbúgvingarmálaráðnum, setti dagin við røðu, har hann m.a. vísti á hesa orðing í samgonguskjalinum: Samgongan vil menna dagstovnaøkið. Meira tíð skal vera til námsfrøðiligt virksemi, trivnaðarskapan og málsliga menning millum børn”.  Les røðuna her.