Dátuvernd

Barna- og útbúgvingarmálaráðið er dátuábyrgdari. Tað merkir, at stovnurin fær persónsupplýsingar frá borgarum, oftast í sambandi við fyrispurningar innanfyri málsøkini hjá stovninum. Tað kann tó eisini vera í sambandi við onnur viðurskifti.

Í allari viðgerð leggur Barna- og útbúgvingarmálaráðið stóran dent á at tryggja og verja persónsupplýsingar. Persónsupplýsingar eru allar upplýsingar, sum eru knýttar ella kunnu knýtast at ávísum likamligum persóni, sambært §6 í dátuverndarlógini.

Barna- og útbúgvingarmálaráðið skal – eins og allar fyritøkur og almennir stovnar í landinum – viðgerða persónsupplýsingar sambært ásetingum í dátuverndarlógini.

Hetta merkir millum annað, at persónsupplýsingar

• skulu viðgerast lógliga, rímiliga og á gjøgnumskygdan hátt,

• skulu savnast til nágreiniliga tilskilað og heimilað endamál, og

• skulu vera nøktandi, viðkomandi og avmarkaðar til tað, sum er neyðugt til tey endamál, sum tær verða viðgjørdar til (§7 í dátuverndarlógini).

Dátuverndarfólk í Barna- og útbúgvingarmálaráðnum er Noomi K. Rasmussen, telefon 555024, teldupost noomir@bumr.fo.