Høvuðsbarnaverndarnevndin

Høvuðsbarnaverndarnevndin skal viðgera ávís mál í sambandi við arbeiðið hjá barnaverndarnevndunum kring landið. Eitt nú skal Høvuðsbarnaverndarnevndin taka avgerð í:

• øllum málum viðvíkjandi umsorganaryvirtøku og samverurætti,
• málum viðvíkjandi rætti til ókeypis umboðan (av advokati),
• málum um familjuviðgerð á stovnum hjá landinum,
• málum um dagstovnatilboð á stovnum hjá landinum,
• málum, har samtykki ikki er fingið frá tí/teimum, ið hava foreldramyndugleikan,
• málum, har børn yvir 15 ár ikki hava givið samtykki.

Høvuðsbarnaverndarnevndin verður mannað fjóðra hvørt ár við einum royndum løgfrøðingi sum formanni, og ávikavist einum sálarfrøðingi og einum barnasakkønum í hinum báðum sessunum.